第三十九出 渡过溪洲

    【金钱花】

    （净丑扮舡）新做渡船（舡）走如风＜蜂＞，纸船（舡）须用铁艄公（铁稍工），纸船（舡）须用铁艄公（铁稍工）。兄弟过船（舡）不放空，莫说我，只船（舡）是浪荡，一日有千万人。

    （生旦贴上）三人走到赤水溪边，三人走到赤水溪边，未知过溪着若钱？未知过溪着若钱？一只小船（舡）在岸边，来载阮，不论钱。过了只溪即欢喜。

    （净丑?唱）船仔（舡仔）驶在溪中游，船仔（舡仔）驶在溪中游，问你三人去值州？问你三人去值州？有乜话共阮说，乜利市，乞阮收，载你三人过溪州。

    （生旦贴唱）待阮等到日都昼（罩），待阮等到日都昼（罩）。坐人不知立人苦痛，坐人不知立人苦痛。金钗乞恁准花红，千万莫说阮三人，莫得牵山那匏动。

    （净丑唱）听恁障说阮便知，听恁障说阮便知，有乜金钗便提来，有乜金钗便提来。娘仔宽心莫烦恼，阮嘴（口）密成米筛。有人问我叫不知。

    （生旦贴）待阮说乞恁听，阮三人都是亲情。伊是小妹，阮是兄，只是简，相共行，卜去泉州探亲情。

    （入白）渡船（舡）抛泊在溪州，一任江山□任游。

    水鸭鸳鸯拍橹动，飞入芦花不知收。（并下）